രോഗികളുടെ നാഥനായ യേശു

ദൈവപുത്രനായ യേശു രോഗികളുടെ നാഥൻ

 1 യേശു കുഷ്ഠരോഗിയെ സുഖപ്പെടുത്തുന്നു

"യേശു മലയില്‍നിന്ന്‌ ഇറങ്ങിവന്നപ്പോള്‍ വലിയ ജനക്കൂട്ടം അവനെ അനുഗമിച്ചു.
അപ്പോള്‍ ഒരു കുഷ്‌ഠരോഗി അടുത്തുവന്ന്‌ താണുവണങ്ങിപ്പറഞ്ഞു: കര്‍ത്താവേ, അങ്ങേക്കു മനസ്‌സുണ്ടെങ്കില്‍ എന്നെ ശുദ്‌ധനാക്കാന്‍ കഴിയും.
യേശു കൈനീട്ടി അവനെ സ്‌പര്‍ശിച്ചുകൊണ്ട്‌, അരുളിച്ചെയ്‌തു: എനിക്കു മനസ്സുണ്ട്‌, നിനക്കു ശുദ്‌ധിവരട്ടെ. തത്‌ക്‌ഷണം കുഷ്‌ഠം മാറി അവനു ശുദ്‌ധി വന്നു."

മത്തായി 8 : 1-3

കർത്താവെ ,ദാവീദിന്റെ പുത്രാ എന്നിൽ കനിയേണമേ ...രോഗിയായ എന്നെ സുഖപ്പെടുത്തണമേ 

2 തളർവാത രോഗി സുഖം പ്രാപിക്കുന്നു

ഭൂമിയില്‍ പാപങ്ങള്‍ ക്‌ഷമിക്കാന്‍മനുഷ്യപുത്രന്‌ അധികാരമുണ്ടെന്നു നിങ്ങള്‍ അറിയേണ്ടതിനാണിത്‌. അനന്തരം, അവന്‍ തളര്‍വാതരോഗിയോടു പറഞ്ഞു: എഴുന്നേറ്റ്‌ നിന്‍െറ ശയ്യയുമെടുത്ത്‌ വീട്ടിലേക്കു പോവുക.
അവന്‍ എഴുന്നേറ്റ്‌ വീട്ടിലേക്കു പോയി.
ഇതുകണ്ട്‌ ജനക്കൂട്ടം ഭയചകിതരായി. മനുഷ്യര്‍ക്ക്‌ ഇത്തരം അധികാരം നല്‍കിയ ദൈവത്തെ മഹത്വപ്പെടുത്തി.

മത്തായി 9 : 6-8

കർത്താവെ ,ദാവീദിന്റെ പുത്രാ എന്നിൽ കനിയേണമേ ...രോഗിയായ എന്നെ സുഖപ്പെടുത്തണമേ 


3 അന്ധർക്ക് കാഴ്ച നൽകുന്നു

യേശു അവിടെനിന്നു കടന്നുപോകുമ്പോള്‍, രണ്ട്‌ അന്‌ധന്മാര്‍, ദാവീദിന്‍െറ പുത്രാ, ഞങ്ങളില്‍ കനിയണമേ എന്നു കരഞ്ഞപേക്‌ഷിച്ചുകൊണ്ട്‌ അവനെ അനുഗമിച്ചു.
അവന്‍ ഭവനത്തിലെത്തിയപ്പോള്‍ ആ അന്‌ധന്‍മാര്‍ അവന്‍െറ സമീപം ചെന്നു. യേശു അവരോടു ചോദിച്ചു: എനിക്ക്‌ ഇതു ചെയ്യാന്‍ കഴിയുമെന്നു നിങ്ങള്‍ വിശ്വസിക്കുന്നുവോ? ഉവ്വ്‌, കര്‍ത്താവേ, എന്ന്‌ അവര്‍ മറുപടി പറഞ്ഞു.
നിങ്ങളുടെ വിശ്വാസംപോലെ നിങ്ങള്‍ക്കു ഭവിക്കട്ടെ എന്നു പറഞ്ഞുകൊണ്ട്‌ അവന്‍ അവരുടെ കണ്ണുകളില്‍ സ്‌പര്‍ശിച്ചു.
അവരുടെ കണ്ണുകള്‍ തുറന്നു.

മത്തായി 9 : 27-30

കർത്താവെ ,ദാവീദിന്റെ പുത്രാ എന്നിൽ കനിയേണമേ ...രോഗിയായ എന്നെ സുഖപ്പെടുത്തണമേ 


4 ഊമനെ സുഖപ്പെടുത്തുന്നു

അവര്‍ പൊയ്‌ക്കഴിഞ്ഞപ്പോള്‍ പിശാചുബാധിതനായ ഒരു ഊമനെ ജനങ്ങള്‍ അവന്‍െറ യടുക്കല്‍ കൊണ്ടുവന്നു.
അവന്‍ പിശാചിനെ പുറത്താക്കിയപ്പോള്‍ ആ ഊമന്‍ സംസാരിച്ചു. ജനങ്ങള്‍ അദ്‌ഭുതപ്പെട്ടു പറഞ്ഞു: ഇതുപോലൊരു സംഭവം ഇസ്രായേലില്‍ ഒരിക്കലും കണ്ടിട്ടില്ല.

മത്തായി 9 : 32-33

കർത്താവെ ,ദാവീദിന്റെ പുത്രാ എന്നിൽ കനിയേണമേ ...രോഗിയായ എന്നെ സുഖപ്പെടുത്തണമേ 


5 കൈശോഷിച്ചവനെ സുഖപ്പെടുത്തുന്നു

യേശു അവിടെനിന്നുയാത്രതിരിച്ച്‌ അവരുടെ സിനഗോഗിലെത്തി.
അവിടെ കൈ ശോഷിച്ചഒരുവന്‍ ഉണ്ടായിരുന്നു.
അനന്തരം, അവന്‍ ആ മനുഷ്യനോടു പറഞ്ഞു: കൈ നീട്ടുക. അവന്‍ കൈനീട്ടി. ഉടനെ അതു സുഖം പ്രാപിച്ച്‌ മറ്റേ കൈപോലെയായി.

മത്തായി 12 : 9-13

കർത്താവെ ,ദാവീദിന്റെ പുത്രാ എന്നിൽ കനിയേണമേ ...രോഗിയായ എന്നെ സുഖപ്പെടുത്തണമേ   

ബന്ധന പ്രാർത്ഥന

ബന്ധന പ്രാർത്ഥന

ഈശോയുടെ നാമത്തിൽ ,ഈശോയുടെ തിരുരക്തത്തിന്റെ ശക്തിയിൽ, ഈശോയുടെ കുരിശിന്റെ അടയാളത്തിൽ എല്ലാ നാരകീയ ശക്തികളെയും പൈശാചിക സാന്നിധ്യങ്ങളെയും ഞാൻ ബന്ധിക്കുന്നു. നാരകീയശക്തികളെ,അന്ധകാരശക്തികളെ നിങ്ങളോട് ഞാൻ കല്പ്പിക്കുന്നു; നസ്രായനായ യേശുവിന്റെ നാമത്തിൽ എന്നെയും ഈ കുടുംബത്തെയും വിട്ടുപോവുക. നിത്യ നരഗാഗ്നിയിലേക്ക് പോവുക. ഇനി ഒരിക്കലും മടങ്ങി വരരുതെന്ന് ഈശോയുടെ തിരുനാമത്തിൽ ഞാൻ കല്പിക്കുന്നു.

യേശുവേ സ്തോത്രം ,യേശുവേ നന്ദി
യേശുവേ സ്തോത്രം ,യേശുവേ നന്ദി
യേശുവേ സ്തോത്രം ,യേശുവേ നന്ദി
യേശുവേ സ്തോത്രം ,യേശുവേ നന്ദി
യേശുവേ സ്തോത്രം ,യേശുവേ നന്ദി
യേശുവേ സ്തോത്രം ,യേശുവേ നന്ദി
യേശുവേ സ്തോത്രം ,യേശുവേ നന്ദി
യേശുവേ സ്തോത്രം ,യേശുവേ നന്ദി
യേശുവേ സ്തോത്രം ,യേശുവേ നന്ദി
യേശുവേ സ്തോത്രം ,യേശുവേ നന്ദി
യേശുവേ സ്തോത്രം ,യേശുവേ നന്ദി
യേശുവേ സ്തോത്രം ,യേശുവേ നന്ദി

ഉണ്ണിശോയോടുള്ള പ്രാർത്ഥന

സകലനന്മസ്വരൂപിയായ ഉണ്ണിയീശോയെ, അങ്ങയെ ആത്മാര്‍ത്ഥമായി സ്നേഹിക്കുന്ന ഞങ്ങളുടെമേല്‍ കൃപയുണ്ടാകണമേ. ആത്മീയവും ശാരീരികവുമായ അസ്വസ്ഥതകളാല്‍ വിഷമിക്കുന്ന അങ്ങേ ഭക്തരും ദാസരുമായ ഞങ്ങളെ അങ്ങ് തൃക്കണ്‍പാര്‍ക്കണമേ. കാരുണ്യവാനായ ഉണ്ണിയീശോയെ, ഞങ്ങളുടെ ജീവിതത്തില്‍ വന്നുപോയിട്ടുള്ള സകലതെറ്റുകളും ഞങ്ങളോടു ക്ഷമിക്കണമെന്ന് ഞങ്ങള്‍ അപേക്ഷിക്കുന്നു. പാപവഴിയില്‍ നിന്നും അകന്ന് അങ്ങേയ്ക്കു പ്രീതികരമായ ഒരു പുതിയ ജീവിതം നയിക്കുവാന്‍ വേണ്ട അനുഗ്രഹം ഞങ്ങള്‍ക്കു നല്‍കുകയും ഞങ്ങളെ അനുഗ്രഹിക്കുകയും ചെയ്യണമേ. ആമേൻ

ഇഹലോകവാസികളായ ഞങ്ങളോരോരുത്തരോടുമുള്ള സ്നേഹത്താല്‍ മനുഷ്യാവതാരം ചെയ്ത് ഞങ്ങളുടെ ഇടയിലേക്ക് വരുവാന്‍ തിരുമനസ്സായ ഉണ്ണിയീശോയെ അങ്ങയെ ഞങ്ങള്‍ ആരാധിക്കുന്നു. പാപികളായ ഞങ്ങളുടെ അയോഗ്യതകള്‍ പരിഗണിക്കാതെ ഞങ്ങളില്‍ ഒരുവനായിത്തീരുവാന്‍ തിരുമനസ്സായ ഉണ്ണിയീശോയെ, കാലിത്തൊഴുത്തില്‍ പിറന്ന് എളിമയുടെയും വിനയത്തിന്റെയും മാതൃകയായി ജീവിച്ചതിന് ഞങ്ങള്‍ അങ്ങയെ സ്തുതിക്കുന്നു.ആമേൻ